أطباق عالمية

المنسف مع اللبن الرائب

الذهاب للوصفة طباعة الوصفة

المنسف مع اللبن الرائب

H-A-S ALJBOOR
طباعة الوصفة
وجبة أطباق عالمية
مطبخ أردني

المقادير
  

  • 2 كيلو لحم خاروف
  • 4 كيو لبن عادي
  • 1 -3 كيلو رز ارغفة من الخبز العربي
  • ماء للسلق
  • جوز -لوز – فستق -صنوبر – بقدونس للتزيين
  • ملح -بهارات – فلفل حار – كركم
  • سمنة .

الخطوات
 

  • يوضع اللبن في وعاء الطبخ ثم يوضع على النار حتى يغلي ثم نضيف اللحم المسلوق على اللبن بعد الغليان ويحرك حتى الغليان ويترك على نار هادئة وفي هذه الاثناء يجهز طبق الرز نضع ملعقتين من السمنة في الوعاء ثم تذوب على النار نغسل الرز المنقوع ويتبل بالملح والفلفل والبهارات
  • ثم توضع الكمية في وعاء السمنة ونضيف عليها كمية كافية من ماء السلق -التي تغطي كمية الرز- وتوضع على نار هادئة لمدة نصف ساعة.
  • ثم نعد اغراض التريين نقوم بقلي لصنوبر والفستق والجوز واللوز ونفرم البقدونس ناعم نضع الخبز على صحن التقديم ونضع الرز فوقه ثم يوضع اللحم فوق الرز ويزين ثم يصب عليه من شراب البن وصحتين والف عافية
هل جربتي هذه الوصفة؟أخبرينا كيف كانت!

153 تعليق

  1. كل الطرق مزبوطه ولكن نسيتو كيف بتاكل # بلئيدي لازم السمن البلدي يوصل لكوع ايدك غير هيك ما بنفع صحتين وعافيه

  3. انا فلسطينيه اردنيه مغتربه في الرياض ما في اطيب من منسف الام خصوصنا للمغتربين حالنا لما بننزل الاردن وامي بتعمل المنسف وبنجلس بناكل تحت الشجر بيكونلو طعم تاني ولا في الاعراس مع الامناسف يلا قربت الاجازه قربة الاجازه خلي الواحد يعشلو كم يوم مع المنسف والاعراس تحيات للاخت( نور )

  5. انا فلسطينيه اردنيه سكان الرياض في مطعم في السليمانيه اسمه المنسف الاردني طعمه طيب لكن مو متل طبخ البيت لكنه بفش الغل للمشتهيين ومافي حد يطبخ
    الطريقه الي انا بعملها:
    بسلق لحمة الخروف.قطع كبيره.مع مي بس.بشيل الزفره اول ما يبدا يغلي
    بخلط علبتين لبن زبادي كيلو للعلبه مع ملعقتين نشا بالخلاط
    وبغليهم عالنار مع التحريك المستمر يعني من اول ما احط الطنجره عالغاز لحد ما يغلي وانا بحرك
    بضيف كيلو شوربه يعني بنحط شوربه بعلبة زبادي فاضيه بطلع كيلو
    ونخليه يغلي عالنار وبنضيف لبن كسيح بكيت واحد بنجيبه من المحلات الاردنيه بالسليمانيه بالرياض
    وملعقه صغيره هيل حب وبنضيف اللحمه بعد 10دقائق و5دقائق اخرى بكون جاهز
    بنعمل رز صنوايت مفلفل عادي بس بدل الزيت سمنه بلديه ان وجد اطيب
    بنجيب خبز شراك موجود بالسليمانيه برضه وبنفرده بالسدر وبنسقيه بشوية لبن “المطبوخ”وسمنه بلديه وبنحط فوقيه الرز ثم اللحمه واللوز والصنوبر المقلي وممكن نرش شوية بقدونس مفروم “حسب الرغبه”وبنقدمه مع اللبن يوضع باطباق بجانبه
    وصحه وعافيه مارح تشبعوا منه
    احنا بالاردن بنطبخه كل اسبوع وبنكون مشتاقينله
    واااااااااااااخ عمنسف الوالده اطيب بمليون مره لانها بتستعمل جميد من الكرك بجيبو ابوي وذبايح طازه
    مشو حالكو بمنسفي وما بتندموا
    اللي بجربه يخبرني

  6. بسم الله اولا كل الطرق الي حكتوها صحيحة المهم انه يطلع جبل رز والراس يكون شامخ بالنص وانهار الشراب بتتساييل من اطراف السدر ولا الصنوبر واللوز يا عيني يكون زي الرصاص متناثر . قرب واتربع وقرب كمان يعني لا تخلي مسافة بينك وبين السدر او عشان تتريح حطه بحضنك وشممممممممممممممر واجبددددددددددددددددد لحد ما تبطل قادر تحكي وما تحكي ما اصحابك
    ما حدا قدك اليوم طاررررررق منسسسسسسف علييييييييييييهم .

  7. يا زينك يا المنسف الاردنى وخاصة راس الخروف فى الوسط وعاظ على اللسان وخاصة برقفة مهدى واسماعيل شمر ونعيم وعماد وناجى وكل الاشخاص الشرفا يتعاطوا النسف عن طريق الوريد .

  9. والله نفسي بمنسف زي العالم وناس انا بعيد ومغترب عن امي ومرتي مقصره ما بتعرف غير اللف بسواق شهتووووتا عليوم صحن

  10. المنسف تاريخ وليس اكله فهو من ما يميز الاردن وهو من الوجبات الرئيسية التي يتناولها الشعب الاردني ويقدمونه لاكرام ضيوفهم

  11. انا فلسطيني مغترب في السعوديه الله يعطيكم العافيه زكرتوني بمنسف امي جوووووووووووووووعتونا

  14. مرحبا على الجميع كيف حالكم انا صقر الخلايله بني حسن
    يعني بصراحه انا واحد من الناس بتعاطى لبن الجميد في الدم … ابر يعني ….. والله المنسف عندي عن 100000 دينار …. اشي لا يعلى عليه

  15. المنسف الأردني . المنسف الفلسطيني .
    هي هم العرب الوحيد فقط لأنهم اصلا فكرهم محدود فقط في بطونهم.

  18. حابة اتعلم المنسف لاني ما بعرف اطبخو وشكرا لكم على المعلومات مع انو انا بعرف انو المنسف مابحطو في فلفل
    ياريت ترسلو قطعة للوالدة

  19. أنانفسي أجربه بس أخاف أجازف قرأت عنهافي جريدة والوالدمصمم إني أسويها
    لماقرأت عنهااليوم في منتدى جاتني الجرأه وإني حجازف وأسويها
    إنشالله تظبط معايا لإني دايما أحب أجازف في طبخ وياما أخذت طبخات من مواقع مختلفة وجربتها ونالت إعجاب العايله
    وتسلمو ع الطبخة

  20. الـــــــــسلام عليكــــــم.. أنا من هواة أكل المنسف واعذروني المنسف على دجاج ماهو بمنسف..
    والأخ الي قال انو المنسف أصلو فلسطيني بحكيليو انو ستوب لقد أخطأت…!! لأن المنسف من اصل الأردنيين النشامى …
    والملوخيه هي للفلسطينيه و كمان بحكو المسخن…
    ياسيدي مش مهم المهم انو المنسف للنشامى..
    بس حبيت أفسر مو أكثر..
    وكلنا اخوان عرب..وصحه وألف عافيه على قلوبكم لاكلين المناسف
    تقبلوووو تحياااااااااااااااتي,,,,,, الجــــــوكــــــــــر

    المنسف الاردنى كان فقط من خبز الشراك والمرشوشو بالجميد وعند زيارت ملك عثمانى اقترح وضع الارز وتخبايت الخبز تحته ههههههههههه

  26. يابنت الحويطات متى كان وهناك اردنى وفلسطينى طول عمرها بلد وحده وراح ترجع كما كانت اشاء الله كل بلاد الشام بلد وحده وحسبى الله على من ثسمها وحسبى الله اكثر على المحافظ على هذا التقسيم

  29. الله يعطيكو العافية ويبارك فيكو. انا من معان الاردن ومقيم بالامارات والمنسف على طول موجود معنا بس للاسف الجميد وخاصة الكركي مش موجود وبنستعمل مكانو جميد الكسيح انتاج اردني والطعم قريب ومقبول. الطبخه سهله ومثل ما ذكر الجميع تقريبا وخاصة محمد وبنت الحويطات. ومافي بهارات خاصة للمنسف. وتحياتي لكم

  30. السلام عليكم

    انا وحدة جربت المنسف والله طعمه جنـآآآن ,, طبعآ أول

    ماقالولي ان معه لبن تعجبت !! بس بعد ماذقتهـ والله رووعهـ

    مافيهـ مثلهـ ,, طبعآ أنا اشتريته جاهز من محل ,, ونفسي

    أسويه في البيت ,, والحين لقيت الطريقه وأن شاء الله

    أجربهآآآآ ^_^

  31. المنسف كل بدو و عرب الشمال يسوونه وبالنسبه اللي يسأل عن مطعم بالرياض مطعم المنسف قريب من المستفي العسكري تخليه علي يمينك كنك رايح شمال غرب اظن باتجاه العروبه والتخليه قيل الاشاره علي اليمين ….دق علي اذا كنت رااايح ….

  33. المنسف بدوي اردني كح مو فلسطيني على رائي اللي قاله طريقتنا في المنسف كالتالي نذبح الذبيحة ونعلقها في الطور وتكون امي تشرك الشراك البلادي وابوي يقطع في اللحم وخواني يلعبو على الكتيب وخوي العود يجيب الحطب وختي توقد النار وا ابوي يحط الحم في القدر ويخليه يغلي لما ينهري وا اميّ تمرس المريس وجدي يهيجن نحط المريس على اللحم ونخليه يغلي ونفرش الشراك في السدر ونحط عليا اللحم ونمرقه زين و نشن هجوم عليه وبعدين نشرب بريق الشاي الاسود طبعا على النار. وفلح م
    عنا والله حيكو كلامك صح المنسف الاردنى ما كان يوضع على الشراك رز كان بس الشراك وصحه وهنا وعلى فكرة كلنا اهل واخوان

  36. أنا بعرف طريقة وحدة .
    أدوختوني من كثر ما في طرق .رح أرجع أطبخ زي ما بطبخ دايما لأن زوجي بحب طبخاتي كتيييييييير

  37. والله شكلها اكلة غير شكل حريقة لكن اريد ان اسأل هل يمكن أن نستبدل الجميد بلبن المخيض السائل اللبن الحامض او اليوجورت لأن الجميد على ما اعلم يصنع من حليب النعاج الذي يحتوي نسب عالية جداً من الدهون وذو نكهة ورائحة نفاذة
    نحن بفلسطين عندنا (( الفتة )) وهي شبيهة بالمنسف تقريباً والاختلاف في اضافة اللبن

    وكل عام وانتم بخير وعافية

  39. انا اماراتي
    و اقولها صراحة المنسف الأردني من اطيب الأكلات اللتي تذوقتها في حياتيو خصوصا اذا كانت اللحمة طيبة

  40. حيووووووووووووووو الأردنية،،،لولولولولويييييييييييييييييييييييش،،
    ومثل ما قال القرعان منسف جاج ما ينفع أردنية،،،وللأخت إنعام في إشي إسمو حوجة المنسف(بهارات) و بعرفوها الأردنيين الأصليين

  44. شكرا لك على الوصفة ولكن هناك طريقة أفضل لتحضيره وانا جربتها وعلى فكرة انا اكلته اكتر من 1000 مرة
    لإنه انا اردنية
    يلا سلام

اترك رداً على الرويلي إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

Recipe Rating